Издан словарь коми кличек животных
Цыпанов Е.А. Пемöс да мукöд ловъялöн коми нимчукöр. Сыктывкар, 2025. — 121 лб.
Тайö аслыспöлöс кывкудйö чукöртöма-öктöма коми пемöс да лэбач нимъяс, а сiдзжö мукöд ловъяторъяслы сетöм нимъяс. Найöн коми йöз нимтылöны гортса пемöсъяссö, корсюрö и гортса пöткаöс, кутшöмöскö миян гижысьяс думыштöмöн пыртöмаöсь серпаса литератураö, кывбуръясö, повесьтъясö да мойдъясö. Татчö öтпыр вайöдöма зыран-коми да перым-коми нимъяс. Став нимсö тэчöма медводз пемöсъяс серти, сэсся нин найöс анбур арт серти, гöгöрвоöдöма налысь артманногсö да вайöдöма на дорö видлöгъяс да öшмöсъяс. Став вайöдöм нимыс петкöдлö чужан кывлысь озырлунсö. Тайö кывкуд подув вылын позяс дасьтыны водзö вылö пемöс нимъяс йылысь ыджыдджык туялан уджъяс. Небöгыс урчитöма школаö ветлысьлы, коми кыв велöдысьлы, вылыс да шöр велöдчанiнъясысь войтырлы, туялысьлы, аспирантлы, гижысьлы, журналисталысьлы, коми кыв быд радейтысь-пыддиалысь мортлы.
(далее…)